დღეს, 16 თებერვალს, არჩევნების თემაზე მომუშავე არასამთავრობო და მედია ორგანიზაციები სასტუმრო „ქორთიარდ მარიოტში” შეიკრიბნენ და კამპანიის „ეს შენ გეხება” დაწყება ოფიციალურად გამოაცხადეს. კამპანია ფონდ „ღია საზოგადოება-საქართველოს” მხარდაჭერით ხორციელდება.
კამპანიის ფარგლებში მომზადდა პეტიცია, რომელზე ხელმოწერაც შეუძლია ყველა ორგანიზაციას თუ მოქალაქეს, რომელსაც დღეს მოქმედი საარჩევნო კანონმდებლობის შეცვლა სურს და რომელიც არ გამოხატავს არცერთი პოლიტიკური სუბიექტის ინტერესს.
პეტიციას უკვე 200-მდე ორგანიზაცია და მოქალაქე შეუერთდა. მიმდინარეობს 
ელექტრონული ხელმოწერების შეგროვებაც, რომელიც აქვე შეგიძლიათ ნახოთ: www.petitions24.com/esshengexeba.
არჩევნების თემაზე მომუშავე ორგანიზაციებმა და ექსპერტებმა საკანონმდებლო წინადადების პაკეტიც შეიმუშავეს, რომელიც პეტიციაზე ხელმომწერებს გააცნეს. პაკეტს, პეტიციასთან ერთად 17 თებერვალს, 14:00საათზე, საქართველოს პარტლამენტს წარუდგენენ.
შეუერთდით Facebook-ზე კამპანიას „ეს შენ 
გეხება”.
