30 მაისს, სასტუმრო ‘ქორთიარდ მარიოტში’ გამართულ კონფერენციაზე ბავშვთა განვითარების ადრეული ინტერვენციის ახალი მოდელის საქართველოში დანერგვის შესახებ მსჯელობდნენ საჯარო სექტორის და არასამთავრობო ორგანიზაციების წარმომადგენლები და ჯანმრთელობისა და სოციალური დაცვის სპეციალისტები. კონფერენცია ჩაატარა საქართველოს ბავშვთა ნევროლოგთა და ნეიროქირურგთა ასოციაციამ ფონდი ‘ღია საზოგადოება-საქართველოს’ მხარდაჭერით.
ბავშვთა ადრეული განვითარების ახალი მოდელი, რომელსაც სპეციალისტები ბავშვთა ადრეული ინტერვენციის სერვისს უწოდებენ, უზუნველყოფს შეფერხებისა და განვითარების პრობლემების აღმოჩენას ადრეულ ეტაპზე განსაკუთრებული საჭიროების მქონე ბავშვებში.
საქართველოში ბავშვთა ადრეული ინტერვენციის სერვისს 15000 ბავშვი საჭიროებს, ამჟამად სახელმწიფო დაფინანსებით ამ სერვისით მხოლოდ 350 ბავშვს შეუძლია სარგებლობა. გარდა ამისა, ჯერჯერობით არ არსებობს ბავშვთა ადრეული განვითარების გამართული პროგრამა. მიმდინარე ეტაპზე მუშავდება სტრატეგია სახელმწიფოსთან ერთად.
სტატიები ონლაინ მედიაში ამ თემაზე:
ადრეული განვითარების პროგრამა- „მომგებიანი ინვესტიცია სახელმწიფოს მხრიდან”- Liberali.ge
“ინვესტიცია ადრეულ ასაკში”- სახელმწიფოს ახალი ვალდებულება– Netgazeti.ge
