18 სექტემბერს დაიწყო ათდღიანი ტრენინგი დამწყები მეწარმეებისათვის, რომელიც ფონდის “ღია საზოგადოება – საქართველო” ეკონომიკური განვითარების პროგრამისა და ქალაქ თბილისის მერიის ერთობლივი სოციალურ-ეკონომიკური პროექტის ფარგლებში ტარდება.
შესაბამისი პროცედურების შედეგად შერჩეულ მონაწილეთათვის ტარდება სასწავლო კურსი შრომის 
საერთაშორისო ორგანიზაციის სასწავლო პროგრამით “დაიწყე და სრულყავი შენი ბიზნესი”, რომელსაც დამსაქმებელთა საერთაშორისო ასოციაციის სერთიფიცირებული ტრენერები წარმართავენ.
პოტენციური მეწარმეების სწავლება მენეჯმენტის სპეციფიკური პრობლემების ანალიზით ხორციელდება, რომელთა გადაწყვეტაც მცირე საწარმოს გახსნის შემთხვევაში, მათ ყოველდღიურად მოუწევთ.
სწავლების პროცესი, სასწავლო მასალების გამოყენებასთან ერთად, აგებულია სხვათა პრაქტიკული 
გამოცდილების შესწავლაზე. სწავლების დროს მონაწილეები გაიაზრებენ, თუ რა მოელით მათ საკუთარი ბიზნესის ორგანიზების შემთხვევაში.
ამ პროგრამის საშუალებით მსმენელები შეძლებენ გაეცნონ მცირე ბიზნესის მართვის ძირითად კომპონენტებს, ბიზნესის მიზნებისა და სტრატეგიების ჩამოყალიბების მიდგომებს, მარკეტინგის, ფინანსების, მენეჯმენტის, ბიზნესის სამართლის საკითხებს.
