5 აპრილს ფონდში “ღია საზოგადოება-საქართველო” სტუმრად იმყოფებოდნენ მონღოლეთის ღია საზოგადოების ფორუმის მენეჯერი ქ-ნი ბ.მუნხსოიოლი და მონგოლეთის საზოგადოებრივი რადიოსა და ტელევიზიის თავმჯდომარე კომპანიის სხვა წარმომადგენლებთან ერთად.
სტუმრები საქართველოში საზოგადოებრივი მაუწყებლის მოწვევით ჩამოვიდნენ. თავის დროზე ამ კონტაქტებს სწორედ ფონდის “ღია საზოგადოება-საქართველო” და მონგოლეთის ღია საზოგადოების ფორუმის ძალისხმევით შეეწყო ხელი.
ფონდში ვიზიტის დროს სტუმრებმა მონღოლეთის საზოგადოებრივი რადიოსა და ტელევიზიის მიღწევებსა თუ პრობლემებზე ისაუბრეს. ფონდის აღმასრულებელი დირექტორის – დავით დარჩიაშვილის საუბრისას ხაზი გაესვა იმ პროექტებს, რომლებიც 2006 წელს საქართველოს საზოგადოებრივმა მაუწყებელმა ფონდის მხარდაჭერით განახორციელა, კერძოდ, ფონდის მხარდაჭერით საქართველოს საზოგადოებრივი მაუწყებლის მიერ ჩატარდა საზოგადოებრივი აზრის კვლევა-“მოსახლეობის მოლოდინები საზოგადოებრივი მაუწყებლობის მომავალ პროგრამირებასთან დაკავშირებით”, საზოგადოებრივი მაუწყებლის თანამშრომლებმა გაიარეს პროფესიული უნარ-ჩვევების ასამაღლებელი ტრეინინგ-კურსები, ფონდის ხელშეწყობით შეიქმნა საზოგადოებრივი მაუწყებლის საგამოძიებო ჟურნალისტიკის ჟგუფი.
სტუმრებმა ისაუბრეს მონგოლეთისა და საქართველოს საზოგადოებრივი ტელევიზიების თანამშრომლობის სამომავლო გეგმებზე.
საიტით სარგებლობის გაგრძელებით, თქვენ ეთანხმებით Cookie ჩანაწერების გამოყენებას. მეტი ინფორმაციისთვის იხილეთ მონაცემთა დაცვის პოლიტიკა.
