ფონდის “ღია საზოგადოება-საქართველო” და საქართველოს გენერალური პროკურატურის ერთობლივი პროექტის – “საზოგადოებრივი პროკურატურა” ფარგლებში ქ. მცხეთაში, რაიონული პროკურატურის ინიციატივით, ჩატარდა ტურნირი მინიფეხბურთში დევიზით – “ბავშვები ძალადობის წინააღმდეგ”. შეჯიბრში მონაწილეობდნენ პროკურატურის, პოლიციის, სატყეო დეპარტამენტის, გამგეობის, მცხეთა-მთიანეთის მხარეში პრეზიდენტის რწმუნებულის აპარატის, სკოლების, ძეგვის ბავშვთა სახლისა და პრობაციონერების გუნდები. 
ტურნირი მინი ფეხბურთში 12 მაისს დაიწყო.
20 მაისს ფინალურ მატჩში ერთმანეთს ბავშვებისა და მცხეთა-მთიანეთის მხარეში პრეზიდენტის რწმუნებულის აპარატი გუნდები შეხვდნენ.
ასპარეზობა ბავშვების გამარჯვებით დასრულდა. გამარჯვებულ გუნდს სპეციალური თასი გადაეცა, ხოლო მონაწილე გუნდებს სამახსოვრო სუვენირები და სიგელები დაურიგდათ.
საიტით სარგებლობის გაგრძელებით, თქვენ ეთანხმებით Cookie ჩანაწერების გამოყენებას. მეტი ინფორმაციისთვის იხილეთ მონაცემთა დაცვის პოლიტიკა.
