საქართველოს ღია საზოგადოების ფონდი წლების მანძილზე ხელს უწყობს დამოუკიდებელი და ხელმისაწვდომი გარემოს შექმნას შეზღუდული შესაძლებლობების მქონე პირებისთვის. უსინათლო ადამიანებთან ურთიერთობისათვის რეკომენდაციების კრებული ამ საქმიანობის ნაწილია, რომელიც საზოგადოებას მხედველობის სირთულის მქონე ადამიანების გამოცდილებას გაუზიარებს. მოწოდებული რეკომენდაციები აპრობირებულია, მაგრამ არა უნივერსალური და არ გამორიცხავს ინდივიდუალური საჭიროების გათვალისწინებას უსინათლო ადამიანთან ურთიერთობისას.
