საქართველოს მთავრობის მიერ პარლამენტში ინიცირებული „ადგილობრივი თვითმმართველობის კოდექსის” კანონპროექტი წარმოადგენდა მმართველ პოლიტიკურ ძალაში შეთანხმების შედეგად მიღწეულ კომპრომისულ ვარიანტს. ჩვენი აზრით, შეთავაზებული მოდელი სრულად არ ასახავდა ბიძინა ივანიშვილისა და „ქართული ოცნების” წინასაარჩევნო დაპირებების, მთავრობის მიერ 2013 წლის 1 მარტს დეკლარირებული ადგილობრივი თვითმმართველობის რეფორმის სტრატეგიის პრინციპებს. მიუხედავად ამისა, სამოქალაქო საზოგადოების ნაწილმა მაინც დავუჭირეთ მხარი მას, ვინაიდან ჩავთვალეთ, რომ ეს იქნებოდა პირველი, პრინციპული და შეუქცევადი ნაბიჯი ქვეყანაში რეალური თვითმმართველობის დამკვიდრების გზაზე.
სამწუხაროდ, კანონპროექტის საპარლამენტო განხილვის დაწყებამდე მოხდა მმართველი კოალიციის შეთანხმება არასაპარლამენტო ოპოზიციასთან, რამაც, ეფემერული საფრთხეების ბრალდებით, კანონპროექტის ძირითადი სიახლეების გაუქმება გამოიწვია. ამ „კონსენსუსის” შედეგად:
მიგვაჩნია, რომ ეს „კონსენსუსი” არათუ ხელს შეუწყობს ადგილობრივი დემოკრატიის განვითარებას, არამედ გაამყარებს უკვე არსებულ ცენტრალიზებულ სისტემას. ამასთან, ის წარმოადგენს წინასაარჩევნო დაპირებებისა და დეკლარირებული რეფორმის სტრატეგიის უგულებელყოფას. საქართველოს პარლამენტის ამგვარი ქმედება აჩენს ეჭვის საფუძველს, რომ თავად ხელისუფლებაში არიან ძალები, რომლებიც ყველა საშუალებით ცდილობენ არსებული სისტემის შენარჩუნებას.
ვწუხვართ, რომ ახალი მმართველი პოლიტიკური ძალა ძველის შეცდომებზე არ სწავლობს. არსებული სიტუაცია ძლიერ ჰგავს 2005 წელს განვითარებულ პროცესებს, როცა ხელისუფლებამ ვერ ან არ გამოიყენა ძირეული რეფორმირების შანსი და, შედეგად, ჯერ დაკარგა საზოგადოების მხარდაჭერა, შემდეგ კი ხელისუფლების დათმობა მოუხდა.
იმედს ვიტოვებთ, საქართველოს პარლამენტის წევრები აცნობიერებთ პასუხისმგებლობას საქართველოს მოსახლეობის, თქვენი ამომრჩევლების წინაშე და არ გაუშვებთ ხელიდან ადგილობრივი დემოკრატიის დამკვიდრების შესაძლებლობას.
1. სამოქალაქო კულტურის საერთაშორისო ცენტრი (ICCC)
2. ასოციაცია „კივიტას გეორგიკა”
3. სამოქალაქო ინტეგრაციის ფონდი
4. სამოქალაქო საზოგადოების კვლევისა და განვითარების ცენტრი
5. ადგილობრივი დემოკრატიის განვითარების ქსელი
6. ინფორმაციის თავისუფლების განვითარების ინსტიტუტი (IDFI)
7. გორის საინფორმაციო ცენტრი
8. კონსულტაციის და ტრენინგის ცენტრი
9. ფონდი “ლიბერალური აკადემია თბილისი”
10. ფონდი „ღია საზოგადოება – საქართველო”
11. კულტურულ ურთიერთობათა ცენტრი-კავკასიური სახლი
12. მწვანე კავკასია
13. სამოქალაქო საზოგადოების ინსტიტუტი (CSI)
14. საქართველოს სტრატეგიული კვლევებისა და განვითარების ცენტრი
15. ასოციაცია „მწვანე ალტერნატივა”
16. სკოლა, ოჯახი, საზოგადოება
17. თავისუფალ ჟურნალისტთა სახლი
18. საერთო სამოქალაქო მოძრაობა „მრავალეროვანი საქართველო”
19. დემოკრატ მესხთა კავშირი
20. ადამიანის უფლებების სწავლებისა და მონიტორინგის ცენტრი (EMC)
21. ადამიანის უფლებათა პრიორიტეტი
22. თავისუფლებისა და დემოკრატიის განვითარების ინსტიტუტი
23. არასამთავრობო ორგანიზაცია „სიდა”
24. ეკონომიკური პოლიტიკის ექსპერტთა ცენტრი
25. იძულებით გადაადგილებულ ქალთა არასამთავრობო ორგანიზცია „თანხმობა”
26. ასოციაცია „გორის ინვალიდთა ცენტრი”
27. კავკასიის ეკონომიკური და სოციალური კვლევების ცენტრი
28. საქართველოს გაეროს ასოციაცია
29. ფონდი „ტასო”
30. სტრატეგიული კვლევებისა და განვითარების ცენტრი
31. ტყიბულის რაიონის განვითარების ფონდი
32. საზოგადოებრივი დამცველი
33. მრავალენოვანი საქართველო
34. საქართველოს მწვანეთა მოძრაობა დედამიწის მეგობრები
35. საზოგადოებრივი მონიტორინგისა და კვლევის ცენტრი
36. უსაფრთხო სივრცე
37. ორგანიზაცია „ბორჯღალი”
38. ადამიანის უფლებათა ცენტრი
39. სამოქალაქო ინიციატივა
40. კავშირი „ნუკრიანი”
41. იმერეთის მხარის მეცნიერთა კავშირი
42. გურიის ახალგაზრდული რესურსცენტრი
43. ენერგოეფექტურობის ცენტრი საქართველო
44. არასამავრობო ორგანიზაცია „უკეთესი მომავლისათვის”
45. არასამთავრობო ორგანიზაცია „ტოლერანტი”
