საქართველოს იუსტიციის სამინისტროს საზოგადოებრივი ადვოკატის სამსახურის ტერიტორიული ბიუროს თანამშრომლებისათვის 14-15 აპრილს გუდაურში ფონდმა ტრენინგი ჩაატარა, სადაც 27-მა ადვოკატმა ორდღიანი სწავლება სპეციალური პროგრამით გაიარა.
ტრენინგის მონაწილეები გაეცნენ კლიენტებთან მუშაობის ტექნიკას, მოწმეთა დაკითხვის წარმართვის თავისებურებებს, სასამართო კამათის ტაქტიკასა და სხვა საკითხებს. ჩატარდა იმიტირებული სასამართლო სხდომები.
საზოგადოებრივი ადვოკატის სამსახურის უფროსმა ნინო ცუხიშვილმა ტრენინგის მონაწილეებს გააცნო „იურიდიული დახმარების შესახებ” კანონპროექტის ძირითადი დებულებები, რომლის მიხედვითაც ყალიბდება უფასო იურიდიული მომსახურების სისტემა, ამ სამსახურის მოდელი, სტრუქტურა და უფლებამოსილება.
