ოთხშაბათს, 20 მარტს, 18:00 საათზე ფონდ „ღია საზოგადოება – საქართველოს” საკონფერენციო დარბაზში ჩატარდება მერაბ მამარდაშვილისადმი მიძღვნილი მორიგი სემინარი – “ინტერვიუ მერაბ მამარდაშვილთან” (აუდიო ჩანაწერის თანხლებით). მოხსენებას გააკეთებს ჟურნალისტი ზვიად ქორიძე.
ზვიად ქორიძე 19 წლის იყო, როდესაც მერაბ მამარდაშვილი ჩაწერა. აუდიტორიას საშუალება ექნება მოისმინოს ინტერვიუს აუდიო ჩანაწერი. ინტერვიუში მერაბ მამარდაშვილი ძირითადად ახალგაზრდობაზე საუბრობს. შესაბამისად, სემინარი განსაკუთრებით ახალგაზრდებს დაინტერესებს.
დასწრება თავისუფალია.
სემინარი იმართება პროექტის „ეძღვნება მერაბ მამარდაშვილს 2″ ფარგლებში, რომელსაც სტრატეგიულ გამოკვლევათა ცენტრი ფონდ „ღია საზოგადოება – საქართველოს” მხარდაჭერით 2012 წლის აპრილიდან ახორციელებს.
