დღეს „თბილისი პრაიდის“ ფესტივალზე განვითარებულმა მოვლენებმა აჩვენა, რომ საქართველოს ხელისუფლებას არ სურს, შეაკავოს და გაუმკლავდეს მცირერიცხოვანი მოძალადე ჯგუფების აგრესიას. რამდენიმე თვით ადრე დაგეგმილი, სახელმწიფო უწყებებთან შეთანხმებული, მშვიდობიანი შეკრების ჩაშლა ხელისუფლების მორიგი მარცხია.
შინაგან საქმეთა სამინისტრო თვეების განმავლობაში ჰპირდებოდა „თბილისი პრაიდს“, სხვადასხვა ორგანიზაციებს, სახალხო დამცველსა და უცხოელ პარტნიორებს, რომ ისინი დაიცავდნენ მშვიდობიანად შეკრებილი ადამიანების უსაფრთხოებას. დღეს განვითარებულმა მოვლენებმა კი აჩვენა, რომ ხელისუფლება საქართველოში რუსული სტილის საზოგადოების ჩამოყალიბებას გეგმავს. პუტინის ავტორიტარული პროექტი რუსეთში სწორედ ერთ თემზე თავდასხმით დაიწყო, რომელიც ყველა მოქალაქის გამოხატვის თავისუფლების შეზღუდვით დასრულდა.
დღევანდელი ქმედებით ხელისუფლებამ კიდევ ერთი ნაბიჯი გადადგა რუსეთისკენ და დაგვაშორა ევროკავშირს. სავალალოა, რომ შინაგან საქმეთა სამინისტრომ საკუთარი პირობა არ შეასრულა. მიუხედავად ამისა, ჩვენ კვლავ გავაგრძელებთ ბრძოლას ქვეყანაში ყველა ადამიანის გამოხატვის თავისუფლების დასაცავად.
ხელმომწერი ორგანიზაციები:
