მრგვალი მაგიდა
კოალიცია მედიის ადვოკატირებისათვის უარყოფითად აფასებს ტელეკომპანია „იმედის“ საზოგადოებრივ-პოლიტიკური გადაცემების დახურვას და იზიარებს არასამთავრობო ორგანიზაციების მიერ ამის თაობაზე გაკეთებული განცხადებების პათოსს. ამასთან ერთად, ტელეკომპანია „რუსთავი 2“-სა და უფრო ადრე ტელეკომპანია „მაესტროზე“ განვითარებული მოვლენები, კოალიციის აზრით, არა მარტო ამცირებს მედიაპლურალიზმს საქართველოში, არამედ მიუთითებს მედიის თავისუფლების შეზღუდვის საფრთხეზე 2016 წლის არჩევნების წინა პერიოდში. კოალიციის წევრებს ასევე მიაჩნიათ, რომ დაინტერესებულ საზოგადოებას არ აქვს ამომწურავი ინფორმაცია მედიაგარემოში მიმდინარე ცვლილებების შესახებ.
კოალიციის მედიის ადვოკატირებისათვის ორგანიზებით 4 სექტემბერს, სასტუმრო ჰოლიდეი ინში მრგვალი მაგიდა გაიმართა, სადაც მედიის გამოწვევებზე და მედიაგარემოში მიმდინარე ცვლილებებზე მსჯელობისათვის კოალიციამ 4 სექტემბერს, სასტუმრო ‘ჰოლიდაი ინში’ კონფერენცია ჩაატარა, რომელსაც არასამთავრობო ორგანიზაციების, საერთაშორისო ორგანიზაციების წარმომადგენლები, მედიაექსპერტები და კომუნიკაციების ეროვნული მარეგულირებელი კომისიის წევრები დაესწრნენ. პრეზენტაციების შემდეგ გაიმართა ცოცხალი დისკუსია, რომელშიც ყველა დაინტერესებულმა მონაწილემ გამოხატა მოსაზრება.
ნახეთ მედია ამ თემაზე:
