ფონდ “ღია საზოგადოება-საქართველოს” კანონის, მედიის და ჯანმრთელობის პროექტის ფარგლებში, 3-5 ივლისს ჩატარდა ტრენინგი ჟურნალისტებისათვის ადამიანის უფლებების და ჯანდაცვის საკითხებზე. ტრენინგს უძღვებოდნენ ექსპერტი ანა არგანაშვილი და ფსიქოლოგი ჯანა ჯავახიშვილი.
ტრენინგს ესწრებოდნენ ჟურნალისტები ბეჭდური და ტელემედიიდან.
ორი დღის მანძილზე ჟურნალისტები გაეცნენ ისეთ საკითხებს, როგორიცაა: გაეროს კონვენცია შშმ
პირთა შესახებ; კომუნიკაციის პრონციპები შეზღუდული შესაძლებლობების მქონე პირებთან; ინკლუზია და მისი პრინციპები; სტიგმა და სახელმწიფოს პოლიტიკა; პალიატიური მზრუნველობა და ადამიანის უფლებები; ფსიქიკური ჯანმრთელობა და მისი კავშირი ადამიანის უფლებებთან; ფსიქიკურ ჯანმრთელობასთან დაკავშირებული ტერმინების გამოყენება და სტიგმა; ტრავმის გაშუქება და პროფესიული ეთიკა.
მოწვეული სტუმარი გიორგი გოგია (Human Rights Watch) ჟურნალსტებს ესაუბრა პალიატიური მზრუნველობის ტკივილგამაყუჩებელი საშუალებების ხელმისაწვდომობაზე ადამიანის უფლებების ჭრილში.
აღნიშნული ტრენინგი ჟურნალისტებს დაეხმარება მოამზადონ მაღალპროფესიონალური მასალა და საზოგადოებას მიაწოდონ სწორი ინფორმაცია ისეთ სპეციფიკურ საკითხებზე, როგორიც არის ფსიქიკური ჯანმრთელობა, პალიატიური მზრუნველობა და შეზღუდული შესაძლებლობების მქონე პირების საკითხები.
