ტრენინგი სტომატოლოგებისთვის “ადამიანის უფლებები პაციენტთა მზრუნველობის სფეროში”

2015 წლის 4 და 5 მარტს, ფონდი “ღია საზოგადოება – საქართველოს” ფინანსური მხარდაჭერით, საქართველოს სტომატოლოგთა ასოციაციამ ჩაატარა 2 დღიანი ტრენინგი სტომატოლოგებისთვის “ადამიანის უფლებები პაციენტთა მზრუნველობის სფეროში”. ტრენინგს დაესწრო 70-მდე მონაწილე სხვადასხვა სტომატოლოგიური კლინიკებიდან, ასევე სტომატოლოგი რეზიდენტები.

ტრენინგზე განხილული იქნა შემდეგი საკითხები:

• პაციენტის უფლებები და ექიმის და პაციენტის სამართლებრივი საფუძვლები;

• ადამიანის უფლებები და პაციენტის უფლებები; როგორ უწყობს ხელს საქართველოს ჯანდაცვის სისტემა პაციენტის უფლებების დაცვას;

• სამედიცინო მომსახურების გამწევთა უფლებები/ჯანმრთელობის უფლებისა და პაციენტის უფლებების ერთმანეთისგან გამიჯვნა;

• „პერსონალურ მონაცემთა დაცვის შესახებ” კანონის მიზანი; განსაკუთრებული კატეგორიის მონაცემების დამუშავების საფუძვლები; დიაგნოზის, როგორც ექიმისა და პაციენტის ურთიერთობის მთავარი ქვაკუთხედი;

• ჯანმრთელობასთან დაკავშირებული პერსონალური მონაცემების დამუშავების პრაქტიკული ასპექტები, პაციენტის შესახებ ინფორმაციის მესამე პირებზე გაცემა;
• C ჰეპატიტი, გადამდები დაავადებები და მასთან დაკავშირებული მომსახურების წესები.

ტრენინგის სხვადასხვა სესიებს უძღვებოდნენ ჯანდაცვის ექსპერტი სოფიო ლებანიძე, პერსონალურ მონაცემთა დაცვის ინსპექტორის მოადგილე ნიკოლოზ ბრეგვაძე, ინფექციონისტი მაია ბუწაშვილი და საიას სტრატეგიული სამართალწარმოების იურისტი თამარ დეკანოსიძე.