უტოპიაა, რომ სახელმწიფომ დააფინანსოს თანამდებობის პირების შესაძლო კორუფციის გამოძიება, ან ჟურნალისტური საქმიანობა, რომელიც სასამართლოში არსებულ პრობლემებსა თუ ტენდერებში გამოკვეთილ ხარვეზებს შეისწავლის… არასამთავრობო სექტორის არსი კი სწორედ ის არის, რომ ყველა გავერთიანდეთ და ვიმუშაოთ იმის გამოსასწორებლად, რაც არ მოგვწონს – რუსული კანონი სწორედ ამ საქმიანობის გადაკეტვას, არასამთავრობო და მედია ორგანიზაციების რესურსების შეზღუდვასა და მათი ეფექტური ფუნქციონირების შეჩერებას ისახავს მიზნად – გიორგი ბურჯანაძე მთავრობის იმ ინიციატივაზე, რომელიც რუსული კანონის დამაკნინებელ რეესტრში დარეგისტრირებული ორგანიზაციების სახელმწიფო ბიუჯეტიდან დაფინანსებას ითვალისწინებს.