2007 წლის 25 მაისს “კონსულტაციისა და ტრენინგის ცენტრში” (CTC) გაიმართა ფონდის “ღია საზგადოება – საქართველო” ეკონომიკური განვითარების პროგრამისა და სააქციო საზოგადოების “პალადი ინვესტი” ერთობლივი პროექტის “კომპაქტურად დასახლებული დევნილების გადამზადება და თვითდასაქმების ხელშეწყობა” დასკვნითი ღონისძიება.
პროექტი ითვალისწინებდა ყოფილი “სტუდქალაქის” ტერიტორიაზე მცხოვრები დევნილებისათვის სასწავლო კურსების განხორციელებას, რომლის საშუალებით მსმენელები გაეცნენ მცირე ბიზნესის მართვის ძირითად კომპონენტებს, ბიზნესის მიზნებისა და სტრატეგიების ჩამოყალიბების მიდგომებს, მარკეტინგის, ფინანსების, მენეჯმენტის, ბიზნესის სამართლის საკითხებს.
პროექტის მონაწილეებმა კომისიის წევრებს წარუდგინეს საკუთარი ბიზნეს გეგმები, რომლებიც შემდგომ განსახილველად და საბოლოო დასკვნისათვის პროექტის პარტნიორ “საქართველოს ბანკსა” და “პალადი ინვესტს” 
გადაეცა.
სასწავლო კურსის დასრულების შემდგომ პროექტის ყოველ მონაწილეს შესაძლებლობა მიეცა საკუთარ ბიზნეს იდეაზე დაყრდნობითა და კონსულტანტების დახმარებით შეედგინა კვალიფიციური ბიზნეს გეგმა.
პროექტის დასკვნით ღონისძიებაზე სასწავლო კურსის წარმატებულად დასრულების აღსანიშნავად მონაწილეებს გადაეცათ შესაბამისი სერთიფიკატები.
პროექტს გამოხმაურება მოჰყვა პრესაში. (გაზეთი “24 საათი”, გაზეთი “რეზონანსი”)
